გუშინ, 11 ივლისს, ბელარუსის მთავრობამ აშშ-ის, კანადის და დიდი ბრიტანეთის მიერ დაწესებული სანქციების საპასუხო ზომები გამოაცხადა - ბელარუსი ქვეყანაში აშშ-ის ელჩს არ შეუშვებს.
გარდა ამისა, ბელარუსის მთავრობამ მოითხოვა მიმდინარე წლის პირველ სექტემბრამდე საელჩოს პერსონალის რაოდენობა 5 თანამშრომლამდე შეემცირებინა.
"გასულ წლებში ჩვენმა ქვეყნებმა გრძელი და რთული გზა გაიარეს, რომელიც დიპლომატიური ურთიერთობების აღდგენით დაგვირგვინდა, აქედან გამომდინარე, კიდევ უფრო სამწუხაროა, რომ აშშ-ის ახალი ადმინისტრაციის ღიად მტრულმა და თავხედურმა ნაბიჯებმა ძირი გამოუთხარა წინა წლებში მიღწეულ პროგრესს",- ვკითხულობთ ბელარუსის საგარეო საქმეთა სამინისტროს სპიკერის, ანატოლი გლაზის განცხადებაში.
ბელარუსის მთავრობის გადაწყვეტილებას გამოეხმაურა აშშ-ის საელჩოც. უწყების განცხადებაში ნათქვამია, რომ ამერიკულ-ბელარუსული ურთიერთობების გაუარესების მიზეზი ბელარუსის მთავრობის გადაწყვეტილებებია, რომელიც ქვეყანაში ზღუდავს თავისუფლებას და არ ასრულებს საერთაშორისო დონეზე ნაკისრ ვალდებულებებს.
9 აგვისტოს, ბელარუსში საპროტესტო აქციების დაწყებიდან 1 წლის თავზე აშშ-მ, კანადამ და დიდმა ბრიტანეთი ბელარუსს ახალი სანქციები დაუწესეს.
უფრო მეტი ბელარუსში განვითარებულ მოვლენებზე წაიკითხეთ აქ.