კორუფციასთან ბრძოლა: რა ევალება საქართველოს ასოცირების დღისწესრიგით

დამატებითი ზომები იქნას მიღებული კორუფციის პრევენციისა და წინააღმდეგ ბრძოლის მექანიზმების ძირითადი რისკის სფეროებში, როგორიცაა:

●     სახელმწიფო შესყიდვების ღია და კონკურენტუნარიანი პროცესების უზრუნველყოფა პირდაპირი შესყიდვების შემცირებით და დამოუკიდებელი, მიუკერძოებელი და გამჭვირვალე სახელმწიფო შესყიდვების განმხილველი ორგანოს ჩამოყალიბებით;

●   უსაფრთხოების სექტორში ანგარიშვალდებულებისა და კეთილსინდისიერების სტანდარტების გაზრდა და დემოკრატიული ზედამხედველობის გაძლიერება, მათ შორის გამონაკლისების შეზღუდვით (მათ შორის ფინანსური ანგარიშგების შესახებ) და შესაბამისი კანონმდებლობის შესწორებით;

●    გადასახადისა და დამატებითი ღირებულების გადასახადის (დღგ) თაღლითობა, როგორც ეკონომიკის დანაშაული, კორუფციისა და ფულის გათეთრებისთან ბრძოლა, ასევე სახელმწიფო ფინანსების დაცვა;

●    ეფექტური თანამშრომლობის და დახმარების უზრუნველყოფა ევროკავშირის შესაბამის ინსტიტუტებთან და ორგანოებთან, მათ შორის ევროპის თაღლითობის წინააღმდეგ ბრძოლის ოფისთან (OLAF)  თაღლითობისა და უკანონო ქმედების გამოძიებისთვის რომლებიც გავლენას ახდენენ კავშირის ფინანსურ ინტერესებზე და ევროპის საჯარო პროკურატურის ოფისთან (EPPO) გამოძიებისა და დევნისთვის დანაშაულებებზე, რომლებიც გავლენას ახდენს კავშირის ფინანსურ ინტერესებზე, მოქმედი წესებისა და პროცედურების შესაბამისად;

●    გაგრძელდეს საქართველოს კანონმდებლობის დაახლოება ევროკავშირის კანონმდებლობასთან თაღლითობის წინააღმდეგ ბრძოლის სფეროში და უზრუნველყოფილი იყოს ევროკავშირის კანონმდებლობის დებულებების შესრულება, რაც გათვალისწინებულია ასოცირების შეთანხმების შესაბამის დანართებში;

●   მოქალაქეების უფლებების და შესაძლებობების ხელშეწყობა ინფორმაციის ხელმისაწვდომობაზე,  მმართველობაში მონაწილეობაზე როგორც ნაციონალურ ისე სუბნაციონალურ დონეზე, მათ შორის სამოქალაქო საზოგადოების თავისუფალი და დამოუკიდებელი მედიის მონიტორიგზე;

●   2020 წლის შემდგომ ახალი საჯარო მმართველობის რეფორმის  სტრატეგიისა და სამოქმედო გეგმის, ეფექტური იმპლემენტაციის  უზრუნველყოფა;

●    ხელი  შეუწყოს საჯარო მმართველობის რეფორმის განხორციელებას, როგორც პოლიტიკურ ისე ადმინისტრაციულ დონეზე, მათ შორის შესაბამისი  სამოქმედო გეგმების კოორდინაციის, მონიტორინგისა და ანგარიშვალდებულების გაძლიერებით;

●    საჯარო ადმინისტრაციის ღიაობის, გამჭვირვალობის და ანგარიშვალდებულების გაძლიერება ღია მმართველობის რეფორმის განხორციელების გზით;

●    სახელმწიფო სერვისების განვითარების მიწოდებისა და ხარისხის ერთიანი პოლიტიკის შემუშავება, რათა გააუმჯობესდეს მოქალაქეთა კმაყოფილება და ნდობა ხელისუფლების მიმართ;

●    საჯარო მმართველობის რეფორმის დადებითი გავლენის შესახებ კომუნიკაციების გაძლიერება ცნოებიერების ამაღლების მიზნით;

●    საჯარო სამსახურის საკანონმდებლო ბაზის დანერგვა უფრო პროფესინალური და დამსახურებაზე დაფუძნებული საჯარო სამსახურის უზრუნველსაყოფად;

●    გაგრძელდეს კანონის უზენაესობისა და ანტიკორუფციული კრიტერიუმების განხორციელება და პროგრესი როგორც ვიზების შეჩერების მექანიზმის  ნაწილი

საშუალოვადიანი პრიორიტეტები:

●  გააგრძელოს კორუფციასთან ბრძოლა და უზრუნველყოს ისეთი საერთაშორისო ინსტრუმენტების ეფექტური განხორციელება, როგორებიცაა კორუფციის წინააღმდეგ გაეროს კონვენცია, კორუფციის შესახებ სისხლის სამართლის კონვენცია და მისი დამატებითი ოქმი, ასევე ევროპის საბჭოს წევრი სახელმწიფოების მიერ შემუშავებული რეკომენდაციები კორუფციის წინააღმდეგ (GRECO) და OECD-ის ანტიკორუფციული ქსელის რეკომენდაციები აღმოსავლეთ ევროპისა და ცენტრალური აზიისთვის.

●  გააგრძელოს სავარაუდო კორუფციის შემთხვევების ეფექტური გამოძიება და შექმნას ინტერესთა კონფლიქტის პრევენციის ეფექტური სისტემა.

●   ხელი შეუწყოს ანგარიშვალდებულ, ქმედითუნარიან, ეფექტურ, გამჭვირვალე საჯარო ადმინისტრაციის შექმნას. შექმნას დამსახურებაზე დაფუძნებული საჯარო სამსახური შერჩევის, დაწინაურებისა და გათავისუფლების სისტემასთან და საჭიროებებზე მორგებულ სპეციალიზებულ ტრენინგებთან დაკავშირებით.

●   გააუმჯობესოს საჯარო სერვისების ხარისხი, ეფექტურობა და ხელმისაწვდომობა საქართველოს რეგიონებში.

●     გააუმჯობესოს სახელმწიფო ფინანსების მართვა, პროგრამაზე დაფუძნებული ბიუჯეტირებისას გაითვალისწინოს გენდერული ასპექტები და გააძლიეროს საშუალოვადიანი სტრატეგიული დაგეგმვა და განხორციელება.

●  გააძლიეროს დაინტერესებული მხარეების, მათ შორის, არასამთავრობო ორგანიზაციების, ადგილობრივი თვითმმართველობის, ახალგაზრდებისა და აკადემიური წრეების ჩართულობა. შექმნას ეფექტური ინსტრუმენტი იმისთვის, რომ საზოგადოება ჩაერთოს  საჯარო მმართველობის რეფორმების გადაწყვეტილებების მიღებისა და შესრულების მონიტორინგის პროცესში.

●  უზრუნველყოს სანდო, ანგარიშვალდებული, გამჭირვალე და შედეგზე ორიენტირებული ადგილობრივი თვითმმართველობის შექმნა, რომელიც აღჭურვილი იქნება ახალი ფუნქციებით, ვალდებულებებით და რესურსებით ევროპულ სტანდარტების შესაბამისად.