მსოფლიო ბანკმა ავღანეთს ფინანსური დახმარება შეუწყვიტა. ამის მიზეზი ქვეყანაში განვითარებული მოვლენები და თალიბანის ხელისუფლებაში მოსვლის შემდეგ ქალთა უფლებების მოსალოდნელი დარღვევაა.
“ჩვენ შევწყვიტეთ ფინანსური ოპერაციები ავღანეთში და აქტიურად ვაკვირდებით სიტუაციას”, - თქვა ორგანიზაციის სპიკერმა BBC-სთან საუბრისას.
რამდენიმე დღის წინ მსგავსი ნაბიჯი გადადგა საერთაშორისო სავალუტო ფონდმაც.
წინა კვირაში ამერიკამ ავღანეთის ცენტრალურ ბანკს 9.5 მილიარდი დოლარის აქტივები გაუყინა.