ავღანეთიდან ჯარების გაყვანის შემდეგ, ჯო ბაიდენის საზოგადოებრივი მხარდაჭერის მაჩვენებელი მნიშვნელოვნად შემცირდა. 16 აგვისტოს ჯარების გაყვანიდან ერთი დღის შემდეგ ჩატარებულ საზოგადოებრივი აზრის კვლევებში ბაიდენის მხარდაჭერის რეიტინგი 46%-მდე შემცირდა, რაც მისი პრეზიდენტობის პერიოდში ყველაზე დაბალი მაჩვენებელია.
ავღანეთიდან ჯარების გაყვანამდე ჩატარებული კვლევებით ჯო ბაიდენის საქმიანობას პრეზიდენტის პოსტზე მხარს გამოკითხული ამერიკელების 53% უჭერდა, სხვაობა 7%-ია.
ამავე გამოკითხვის შედეგებით ირკვევა, რომ ამერიკელების 50%-ზე უკმაყოფილია იმით, თუ როგორ ხელმძღვანელობდა ჯო ბაიდენი აშშ-ის სამხედრო და დიპლომატიურ გამოწვევებს ავღანეთში. აღსანიშნავია, ამერიკელები უფრო კმაყოფილები იყვნენ ჯო ბაიდენის სამივე წინამორბედით, რომლებიც ავღანეთის მისიის მიმდინარეობისას მოღვაწეობდნენ.
გამოკითხვამ, ასევე აჩვენა, რომ ამერიკელთა 75% მხარს უჭერს ავღანეთში დამატებითი ძალების გაგზავნას საკვანძო წერტილების დასაცავად და მშვიდობიანი ევაკუაციისთვის. დაახლოებით ამდენივე ამერიკელი მხარს უჭერს იმ ავღანელების ევაკუაციას, რომლებიც ინტერვენციის წლებში ამერიკელებთან თანამშრომლობდნენ.