ევროპარლამენტარი ვიოლა ფონ კრამონი 2008 წლის აგვისტოში რუსეთის მიერ საქართველოს წინააღმდეგ განხორციელებული სამხედრო აგრესიის მეცამეტე წლისთავს გამოეხმაურა.
"საქართველოს წინააღმდეგ რუსეთის სამხედრო აგრესიიდან 13 წელი გავიდა. საქართველოს ტერიტორიის 20% კვლავ ოკუპირებულია. ახლა რუსეთი ანტი-ქართულ და ანტი-დასავლურ დეზინფორმაციას ავრცელებს. ევროკავშირი საქართველოს სუვერენიტეტის და ტერიტორიული მთლიანობის ერთგულია და დგას ქართველ ხალხთან საქართველოს სრულ დეოკუპაციამდე",- წერს ევროპარლამენტარი.
2008 წლის რუსეთ-საქართველოს ომიდან 13 წელი გავიდა. რუსეთის სამხედრო აგრესიის შედეგად საქართველოს 228 მშვიდობიანი მოქალაქე, 170 სამხედრო და 14 პოლიციელი დაიღუპა. საკუთარი საცხოვრებელი 150 ათასმა ადამიანმა დატოვა, საიდანაც ბევრი კვლავ დევნილობაში რჩება.